https://youtu.be/lKcrIax83oM

రచన,స్వరకల్పన&గానం:డా.రాఖీ

కంటిలోన ఆరని మంట-నెత్తిన మాత్రం గంగంట

గళమునందున విషమంట-తలన సుధాకరుడంట

ఇరువైరుల ధరించేటి భవానీ ధవా

కరకమలాలర్పించెద కనికరించరా భవా

1.ధ్యానమే సదాశివా నీకు నిరంతరం

నాట్యమూ నటరాజా నీకు ప్రియతరం

భస్మ ధరుడవు ఐశ్వర్య వరప్రదుడవు

కాలకాలుడవు ఆయురారోగ్యకరుడవు

ఇరువైరుల ధరించేటి భవానీ ధవా

కరకమలాలర్పించెద కనికరించరా భవా

2.దేవతలకే దేవుడవు నీవు మహాదేవుడవు

పంచభూత నాథుడవు పంచప్రాణేశుడవు

భోళాశంకరుడవు ప్రళయకాల రుద్రుడవు

నామరూప రహితుడవు సర్వనామయుతుడవు

ఇరువైరుల ధరించేటి భవానీ ధవా

కరకమలాలర్పించెద కనికరించరా భవా

Ok