(హరి హర విలాసం-కార్తీకమాసం)
రచన,స్వరకల్పన&గానం:డా.రాఖీ
ఆవుల కాచినోడె అర్జునుడు
ఆపన్నుల బ్రోచినోడె భగవంతుడు
శివుడైనా కేశవుడైనా
సరగున కరుణించిన స్మరణీయులు
హరుడైనా శ్రీ హరియైనా
వరములనిచ్చినపుడె ఆదరణీయులు
1.గుళ్ళూ గోపురాలు వందలు వేలు
అడుగడుగున మ్రొక్కులు ముడుపులు
పూజలు ఉత్సవాలు ఎన్నో పర్వదినాలు
భజనలు స్తోత్రాలు విన్నపాలు ప్రార్థనలు
విభవానికి కొదవలేదు కృప జాడైతె లేదు
2.అష్టాదశ పురాణాలు ఉపపురాణాలు
దైవత్వం నొక్కితెలుపు ఉపాఖ్యానాలు
మనదాకా రానప్పుడు మహిమలెన్నైతెనేమి
కట్టుకథలు లీలలైతె గుట్టలుగా లాభమేమి
ఉనికి ఋజువు పరచగా అవతరించరేమి
-తరింపజేయరేమి
No comments:
Post a Comment