రచన,స్వరకల్దన&గానం:డా.రాఖీ
గూడులోకి దూరే పిల్ల పిచ్చుకలా
పసిడి పంజరంలో రామ చిలుకలా
మెలకువ రాగానే మరిచేటి కలలా
తెల్లవారి చందమామ జ్యోత్స్నికలా
ఎందుకలా సూర్యకళా గుండెనెపుడు గిల్లకలా
1.ఘనఘనాల మాటు సౌధామినిలా
ఎంతకూ వేకువవని శర్వర యామినిలా
తలతిప్పని రాజవీథి గజగామినిలా
జలతారు ముసుగులో సురభామినిలా
ఎందుకలా సూర్యకళా గుండెనెపుడు గిల్లకలా
2.బెదురు చూపు చూసే హరిణిలా
కొత్తావకాయతొ నిండిన భరణిలా
ఉత్సవాలకే రంగులీను పుష్కరిణిలా
ఊరించి ఉడికించీ కరుణించని తరుణిలా
ఎందుకలా సూర్యకళా గుండెనెపుడు గిల్లకలా
No comments:
Post a Comment