https://youtu.be/77LKV-c71lI

ఎన్ని నేనులో ఒకనేనై-ఒకనేనే ఎన్నో నేనులై

నిన్ను నిన్నుగా నిలుపుటకు-నిన్ను నీకే తెలుపుటకు

విశ్వప్రేమనే పంచానే-విశ్వాసమునే పెంచానే

అన్నెంపున్నెం ఎరుగని చిన్నారి

జీవితమేంటో చూసిన నారి

వీడకు ఎన్నడు నీ రహదారి

దారితప్పితే బ్రతుకంతా ఎడారి

1.మత్తెక్కించును మరిమరి మరువము

పరుగెత్తించును పదపడి పరువము

పిలిచేదైనా వలచేదైనా వలపే చేదై

బృందావనాన వేచిన విరహపు రాధై

 దాగిన మాగిన రేగిన కోరికలే చకోరికలై 

అర్ధాంతర జీవితమే నెరవేరలేని ఓ కలై

2.యుక్తిగ ఎంచితె రక్తి భక్తి ముక్తీ సమమే

అనురక్తిగ వేడగ శ్రీ కృష్ణుడు  మీరాపరమే 

అలజడి చెలఁగిన మానస సరోవరం వరమా

శివధ్యానమే పరధ్యానమై సదా కలవరమా

అర్ధనారీశ్వరతత్వమే అద్వైత సూత్రమై

సకల జగతికి మానవ జన్మకి కారణమాత్రమై