*రచన,స్వరకల్పన&గానం:డా.రాఖీ*

శుభోదయం ఇది     పలకరించుతున్నందుకు

శుభోదయం    మది పులకరించుతున్నందుకు

శుభోదయం మన మైత్రి    వికసిస్తున్నందుకు

శుభోదయం సమస్త ధరిత్రి   హసిస్తున్నందుకు

1.)శుభోదయం మానవత మనలో బ్రతికున్నందుకు

శుభోదయం  జనతకు మమతకు శ్రుతిఉన్నందుకు

శుభోదయం సమాజాన కొంతైనా బాధ్యత ఉన్నందుకు

శుభోదయం జగాన వింతైనా అనుబంధాలున్నందుకు

2.)శుభోదయం అవినీతిలో నీతి మిగిలున్నందుకు

శుభోదయం న్యాయం కాస్తైనా అన్యాయం కానందుకు

శుభోదయం జాతీయ వాదాన్ని నిలుపుకున్నందుకు

శుభోదయం భారతీయ గౌరవాన్ని గెలుచుకున్నందుకు