రచన,స్వరకల్పన&గానం:డా.రాఖీ

అనురాగం రంగరించి

నయగారం కుమ్మరించి

మనసారా నిను వరించి

విరహాగ్నిని నే భరించి

అంగాంగం సిద్ధపరిచా నీగురించి

శృంగార రససృష్టికి నీవే విరించి

1.భక్ష్యమే నా చుబుకం కొఱుకు చిన్నగా

భోజ్యమే నా అధరం నములు మెత్తగా

చోష్యమే చెవితమ్మెలు చప్పరించు హాయిగా

లేహ్యమే మెడవంపు నొల్లు రంజిల్లగా

పయోధర పానీయం ప్రాశిల్లు మత్తిలగా

2.అణువణువును స్పృశించు తమకంగా

కంపించగ మేనుమీటి పలికించు గమకంగా

 అత్తరునే మించు  స్వేదమాఘ్రాణించు మైకంగా

రెప్పార్పక తిలకించు అసూర్యంపశ్యలనేకంగా

రసన సృణికనే గ్రోలు వదలక అదేలోకంగా