రచన,స్వరకల్పన&గానం:డా.రాఖీ
కన్నీటి కడలే నా కడలేని జీవితం
కలల పడవలో నా తెగని ప్రయాణం
చెక్కుకున్న చిరుఆశలే చుక్కానిలై
ఎనలేని ఎదురుతెన్నులే తెరచాపలై
1.అడుగడుగున ముంచెత్తే-ఆరాట కెరటాలు
నడుమ నడుమల్లో జంజాట సుడిగుండాలు
హృదయ అగాధాలలో దాగిన బడబానలాలు
మూస్తున్నకొద్దీ పడవకు పడేటివెన్నో కన్నాలు
2.దాడిచేసే సొరచేపలు విత్తపు విపత్తులు
మ్రింగేసే తిమింగలాలు పుండుమీది పుట్రలు
వశపడని కుంభవృష్టిగా శారీరక రుగ్మతలు
సునామిగా కబళించే మానసిక వ్యాధులు
No comments:
Post a Comment