సరిచేస్తాడు లెక్కలన్ని సిరి హృదయేశుడు
కొసరికొసరి వడ్డిస్తాడు ఆ వడ్డికాసులవాడు
గుణపాఠం నేర్పుతాడు అతి తెలివి తేటలకు
తగినశాస్తి చేస్తాడు మితిమీరిన మోసాలకు
శరణుశరణు గోవిందా పాహి ముకుందా
శరణాగత వత్సలా పరమానందా
1.దశావతారాలలో అవతరించినాడు
పంచాయుధాలతో దైత్యుల దునిమినాడు
నవ విధ భక్తులకు అధీనుడై పోతాడు
ఆరుకాలాలలోను మనకతడే రక్షకుడు
శరణుశరణు గోవిందా పాహి ముకుందా
శరణాగత వత్సలా పరమానందా
2.చతుర్దశ భువనాలకు పరిపాలకుడు
ఒక్కడే స్వామి శ్రీమన్నారాయణుడు
ద్వాదశాదిత్యులకు మూలమైన వాడు
త్రిగుణాతీతుడు భువి తిరుమల వాసుడు
శరణుశరణు గోవిందా పాహి ముకుందా
శరణాగత వత్సలా పరమానందా
No comments:
Post a Comment