రచన,స్వరకల్పన&గానం:డా.రాఖీ

నా తనువే తెరిచిన పుస్తకం

నువు చదువుకో ఆపాదమస్తకం

నా మనసే ప్రణయ ప్రబంధం

పఠించుకో పరవశాన ఆసాంతం

1.చుంబనాల సొంపైన చంపకమాలలు

ఆలింగనాల ఇంపైన ఉత్పలమాలలు

మధించతగిన మత్తేభకుంభస్థలాలు

జయింపదగిన శార్దూల విక్రీడితాలు

మేధకు పదనుపెట్టు ఛందో గంధాలు

అంగాంగం ఊరించే అనంగ రంగాలు

2.సరిక్రొత్త అర్థాల విస్మయ శబ్దావళులు

తమకాల గమకాల సమ్మోహన జావళీలు

అలంకార రహితమైన రహస్య దృశ్యాలు

అనాఛ్ఛాదితాలుగ  అసూర్యంపశ్యలు

రాసుకో తరచితరచి ఎన్నైనా భాష్యాలు

చేసుకో నీదైన భాషలోకి అనువాదాలు