రచన,స్వరకల్పన&గానం:డా.రాఖీ
దూరం పెంచే గౌరవాలు మాకనవసరం
భారమనిపించే మరియాదలే కొసరం
ఒకరికి ఒకరం అపురూపంగా దొరికి వరం
ఎప్పటికీ తానంటే నాకెంతో పావురం
నేనంటే తన ఎదలో విప్పలేని వివరం
1.పరిచయమందామంటే అంతకు మించి స్నేహం
స్నేహితమందామంటే అంతకు మించిన ఆత్మీయం
పుస్తకాలలో ఎవ్వరు రాయని వింత బంధం మాది
అనుభవాలలో ఎవ్వరు ఎరుగని ఆత్మబంధం మాది
గుండెలు రెండై ఇద్దరిలోనూ ఒకే స్పందన
కన్నులు నాలుగు ఒకేచూపుగా మా పంథా
2.కారణాలు దొరకనివెన్నో మా మైత్రి లాగ
ఊహలకైనా సాధ్యం కానివెన్నో మా చెలిమిలాగ
ఇవ్వడమంటూ ఉండదు నచ్చితే తీసేసుకోవడమే
అడగడమంటూ ఉండదు మనకు మనం ఇవ్వడమే
దేహాలు వేరైనా భావాలన్నీ ఒకటే
శ్రుతి లయ రెండైనా పాటమాత్రం ఒకటే
No comments:
Post a Comment