రచన,స్వరకల్పన&గానం:డా.రాఖీ
అతను :వసంతం వచ్చివాలింది
ఆమె :తనంత తానై మోడైన నా మదిమానున
అతను :మధుస్వరం ఆలపించింది
ఆమె :సాంత్వన గీతమైనా ఎదగాయం మానున
అతను :వసంతమే నీ స్నేహితం
ఆమె : ప్రతిగీతం నీ ప్రోద్బలం
1.అతను :నీ నవ్వులన్నీ అందం గంధం కలిగిన విరులే
ఆమె :నీ చేరువ వల్ల మరులే రేపే వెచ్చని ఆవిరులే
అతను :నీ ఊపిరిలో ఊపిరినై కవితలు మొలిపిస్తా
ఆమె :గళమున గమకాలొలికిస్తూ మాధురి చిలికిస్తా
అతను :నీ గానమే నా ప్రాణము
ఆమె :నీ నీడగా నా జీవితం
2.ఆమె :గులాబీలనే నువు నడిచే దారంతా పరిచేస్తా
అతను :అనుక్షణం కనిపెట్టేలా నా చూపులు నీ కాపరిచేస్తా
ఆమె :హితమును కూర్చే గతులకు మార్చే సూచికనౌతా
అతను :బడలిక తీర్చి ఉల్లాసమిచ్చే మలయామల వీచికనౌతా
ఆమె :నా ఆశయం నీ ఉన్నతి
అతను :కర్తవ్యమైంది నీ ప్రగతి
No comments:
Post a Comment