రచన,స్వరకల్పన&గానం:డా.రాఖీ
ఎవరు చెక్కినారమ్మా ఇంత చక్కటి శిల్పాన్ని
భువికి ఎవరు దింపిరమ్మ నీ సజీవ రూపాన్ని
శివుడే పరవశుడైన ఆకాశ గంగవా
కౌశికుడే వివశుడైన అప్సరాంగనవా
అందానికి ఇంతకన్న ఏదీ నిదర్శనం
సౌందర్యానికే నిలువెత్తు నిర్వచనం
1.రతిని మతిని తలవడు నిను గంటే మదనుడు
రాధనెదను నిలుపడు నినుగాంచ మాధవుడు
బ్రహ్మమానస పుత్రికవో
నవ మోహిని చిత్రికవో
అందానికి ఇంతకన్న ఏదీ నిదర్శనం
సౌందర్యానికే నిలువెత్తు నిర్వచనం
2.అతిలోక సుందరి నీ జతకు తూగరతివలు
మదగజగామిని నీ హొయలెరుగరు ముదితలు
అంగనగా మారిన సింగిడి నీవు
మెలికల మేని కిన్నెరసాని వీవు
రెప్పలైనవాలవు నిను తిలకించినంత
జన్మలెన్ని చాలవు వలపు చిలకరించినంత
No comments:
Post a Comment