రచన,స్వరకల్పన&గానం:డా.రాఖీ

పంచవన్నెల రామ చిలుక నీవు

ప్రపంచమే నీవైన శారిక నేను

వంచించకు నను నిలువెల్లా ముంచకు

ప్రేమించడమంటేనే నేరంగా ఎంచకు

నే తగనని భావించకు

1.నెమలిని కోరలేదు విలాసమే పరికించి

హంసను ఆశించలేదు వయ్యారమే కాంచి

అందమైన వెన్నిలేవు సుందర ప్రకృతిలోన

అనుబంధమేదొ మేలుకొంది మనమధ్యన

చెలీ మన మధ్యనా

2.ఇంద్ర ధనుసు నీకన్న కడు విణ్నానమే

ప్రత్యూష వర్ణాలు నయనానందకరమే

అందముంటె మాత్రమేమి నంజుకతింటామా

ఆనందమేదొ కలుగుతోంది జంటగ కలగంటినా

నిను జంటగ కలగంటినా