రచన,స్వరకల్పన&గానం:డా.గొల్లపెల్లి రాంకిషన్ రాఖీ
అమ్మకే తొలుత నా ఎదలో చోటు
ఎవరూ పూడ్చలేరు అమ్మలేని లోటు
అమృతమే ఏనాడు అమ్మచేతి సాపాటు
అమ్మా అనురాగం వేరంటే పొరపాటు
అమ్మ అన్న భావనే అపురూప మోయి
అమ్మ ఇచ్చు దీవెనతో బ్రతుకే హాయి
1.తల్లిపక్షికెంత ప్రేమనో తన పిల్లల మీద
గోమాతకెంత ధ్యాసనో లేగదూడ ఎడల
పిల్లికెంత జాగ్రత్తనొ తన కూనల హితము
క్రిమికీటకాలలోనూ ఘనమే అమ్మతనము
అమ్మ అన్న భావనే అపురూప మోయి
అమ్మ ఇచ్చు దీవెనతో జీవితమే హాయి
2.ఎండకు వానకు అండగ తానుండును
తెగబడి పోరును హానికలుగకుండను
ఆహారమునార్జించి కోరికోరి తినిపించును
సృష్టిలో మాతృత్వమె మహనీయమనిపించును
అమ్మ అన్న భావనే అపురూప మోయి
అమ్మ ఇచ్చు దీవెనతో జీవితమే హాయి
No comments:
Post a Comment