భావానికి జన్మస్థానం ఏ తావో
ప్రాణానికి మర్మస్థానం ఎచ్చటనో
గుండెలోన నిండి ఉంటుంది అరుణము
మెదడంతా పరుచుకొని ఉంది కణజాలం
అనుభూతులకు ఆలవాలమేమిటో
అనుభవాలకు భండాగారం ఎక్కడో
1.కణకణమున జీవపు జాడలు
అంగాంగ చైతన్యపు పొడలు
నిర్మాణపు మర్మం ఎవరు చెప్పగలరిలలో
విధివిధులను పురమాయించే వారెవరిలలో
అండాలు సంకలిస్తేనే పుట్టుక సాధ్యమా
మృతి సంక్రమిస్తే ఆత్మసంగతి చోద్యమా
2.ఆయువుపట్టుకు మూలం ఎక్కడో
ప్రాయము మించగ మరణం ఎందుకో
నాసికవాదం వైద్యవిధానం తేల్చని ప్రశ్నలే
మతతత్వం వేదాంతం ఊరటనిచ్చే ఊతాలే
నిరంతరం కొనసాగాలి సత్యశోధనే
ఆన్వేషణలో వికసించాలి మానవ మేధనే
No comments:
Post a Comment