రచన,స్వరకల్పన&గానం:డా.రాఖీ

రాగం: జన సమ్మోహిని

జటాఝూటధర నీలకంధరా

జంజాటములను పరిహరించరా

జడదారి జ్వాలి జంగమదేవరా

లంపటములనిక సడలించరా

భంభం మహాదేవా నమః శంభో సదాశివా

1.సతిపార్వతితో అతులిత దాంపత్యం

ఐనా యోగివి నువు అను నిత్యం

సుత ద్వయముతొ సహా కుటుంబం

నీదొక యోగ భోగ వింత కదంబం

భంభం మహాదేవా నమః శంభో సదాశివా

2.తామరాకు సరి ఈ సంసారం 

నను అవనీ ఒక బిందు తుషారం

కలతల బ్రతుకే కల్లోల సాగరం

కడతేరనీ నీవే నావై కైవల్య తీరం

భంభం మహాదేవా నమః శంభో సదాశివా