రచన,స్వరకల్పన &గానం:డా.రాఖీ
మనకు లేక వెలితితొ వెత ఒక ఎత్తు
ఎదుటివారికుంటే తెలియని బాధెందుకో కించిత్తు
అసూయకు ఆజ్యం పోస్తే మనుగడకే విపత్తు
ఈర్ష్యకంటూ చోటిస్తే భవితా బ్రతుకూ చిత్తు చిత్తు
1.సుయోధనుడి అసూయ ఫలితం కురుపాండవ సంగ్రామం
అర్జునుడి అసూయవల్ల ఏకలవ్యు అంగుళి మాయం
సత్యభామ అసూయతోనే కృష్ణ తులాభారం
అనర్థమౌ అసూయతో వ్యక్తిత్వానికి కళంకం
2.మాత్సర్యం వల్ల మనసుకంటుకుంటుంది మసి
దృక్పథాన్ని మార్చుకుంటే ఇనుమడించు పట్టుదల కసి
సకారాత్మకత మనుషులకెప్పుడు చక్కని మార్గదర్శి
తెలియకనే సదరువ్యక్తులను ఆరాధించడమే వెరసి
No comments:
Post a Comment