రచన,స్వరకల్పన&గానం:డా.రాఖీ
హృదయంలో ఆర్ద్రత
మనసులో ప్రశాంతత
కర్మ ఎడల నిబద్ధత
ఫలితమంటే నిరాసక్తత
ఇదికదా జీవన విధానం
ఇదే సదానంద సంధానం
1.అనుభవాలు జీవితాన భాగాలై
జ్ఞాపకాలేవైనా అధర దరహాసాలై
సహానుభూతులే మానవతా వేదాలై
అనురాగం రవళించే సమైక్యతా నాదాలై
ఇదికదా జీవన విధానం
ఇదే సదానంద సంధానం
2.పాత్రకేమాత్రం అంటని పాదరసమై
తామరపత్రాన తారాడే నీటిబిందువై
అత్తిపత్తిలాగా తాకనీక తప్పుకుంటూ
ఉల్లిపొరల బంధాలన్నీ విప్పుకుంటూ
ఇదికదా జీవన విధానం
ఇదే సదానంద సంధానం
No comments:
Post a Comment