రచన,స్వరకల్పన&గానం:డా.రాఖీ
రేపల్లియ నీ కిట్టమైతె కిట్టయ్యా
మా పల్లెని రేపల్లెగ జమకట్టయ్యా
పావనమౌ నీ పాదమిచట పెట్టయ్యా
గోవులు నీకిట్టమైతె కిట్టయ్యా
నను గోవుగ ఇపుడే జమ కట్టయ్యా
నను నిమురగ మేను కాస్త ముట్టయ్యా
1.మన్ను నీకు ఇట్టమైతె బుర్రనిండ ఉన్నది
మొత్తమంత నీవే తినిపెట్టయ్య
వెన్న నీకు ఇట్టమైతె మనసంతా ఉన్నది
తలపుతలుపు తీసా దోచిపెట్టయ్య
2.నటనలు నీకిట్టమైతె వేసాను ముసుగులు
అహం మమకారాలు కట్టానయ్యా
నగ్నత నీకిట్టమైతె విప్పాను బట్టలు
నన్ను నన్నుగా నిలబెట్టానయ్యా
3.యమున నీకిట్టమైతె నాకన్నుల ఉన్నది
ఎన్నటికీ ఎండిపోదు వెతలున్న నా నది
రతము నీకిట్టమైతె అభిమతము నాకున్నది
అనంగమే నిను సంగమించ విహంగమైనది
No comments:
Post a Comment