https://youtu.be/SvjtfWqkADk

 రచన,స్వరకల్పన&గానం:డా.రాఖీ

 నీ పని నువు చేయి హరా సరా

నను చేసుకోనీయి నా పని తీరా

నా జోలికి రాబోకు  ఆటంక పరుస్తూ

మాటిమాటికీ మనసును చంచలింపజేస్తూ

వరములిచ్చు మాటన్నది నీ పరిధి

కర్తవ్యపాలనయే నాకేకైక విధి

1.జన్మలు కర్మలు పుణ్యపాప ఫలములు

ఎవరికెరుక ఎవరని కర్తలు దాతలు

ఇప్పటికిప్పుడే వేసేయి నేరాలకు శిక్షలు

ప్రక్షాళన గావించి దయచేయి మోక్షము

నీకు చెప్పుడెందుకు తెలవదా ఆ మాత్రము

నిను కోరుడెందుకు తీర్చేవా ప్రతి ఆత్రము

2.పూజలు వ్రతాలు యజ్ఞయాగాదులు

చేస్తేనే ఔతాయా సార్థకాలు జీవితాలు

బదులుకు బదులిస్తే పక్కా వ్యాపారము

ఆత్మ పరమాత్మల బంధమెలా అక్షరము

వికసించనీ నాలో సహస్రార కమలము

అపుడే నే చేరగలను భవసాగర తీరము