రచన,స్వరకల్పన&గానం:డా.రాఖీ
విష్ణు పాదాబ్జ జనిత
బ్రహ్మకమండల సంభూత
శివజటాఝూట విలసిత
హిమ శిఖర ప్లావిత
గంగా సమ పునీత నా కవిత
పుట్టేది ఏ విధో,తట్టేది ఏ మదో
1.భవమే అనుభవమే ఒక భావమై
హృదిని ఉత్తేజపరచు అనుభూతియై
అంతశ్చేతనలో అస్పష్టరూపమై
అక్షరమే జీవ కణమై పదతతి ప్రాణసద్మమై
అవతరిస్తుంది నాదైన కవిత
తరింపజేస్తుంది ఏ సరస మదో
2.ఊహయే అనూహ్యమై భవ్యమై
గత కవితల తలమానికమై నవ్యమై
శైలీ శిల్పములో మాన్యయై అనన్యమై
కవనమంత రసాలఫలరసమై రమ్యమై
అలరింప జేస్తుంది నాదైన కవిత
రంజింపజేస్తుందే పాఠక మదో
No comments:
Post a Comment