రచన,స్వరకల్పన&గానం:డా.రాఖీ
కవనం ఎడారైంది-గాత్రం తడారింది
ఎటుచూసినా మృగతృష్ణలే
ఎదురాయెలే శిశిరమ్ములే
1.భాషనింక ఎలాకూర్చను
భావుకతకు స్ఫూర్తే లేదు
పదములనిక ఎలా అల్లను
అనుభూతి ఆర్తే ఆరదు
ఎలా కదిలించను నా కలమును
కలత పండించదు నా కలలను
ఏమని నే పలవరించినా
ఆమని ఆచూకే లేదు
ఎంతగా వెదకి చూసినా
మావికి చిగురాకే లేదు
ఎలా సవరించను నా గొంతు
పాటకొరకు చింతే ఇక నా వంతు
No comments:
Post a Comment