రచన,స్వరకల్పన&గానం:డా.రాఖీ

ఎవరోవస్తారని  ఏదో మనకు చేస్తారని

ఎదిరిచూచి మోసపోవుటెందుకని

నిజం మరచి నిదురపోకూడదని

ఏనోడో తెలిపినాడు మహాకవి

తలదాల్చక తప్పని మాటలు మనకవి

1.ప్రజలకొఱకు ప్రజలచేత ప్రజలకై ప్రభుత పాలనం

నీ కొఱకు నీచేతనె నీకునీవు మనగలిగే జీవనం

నీదైన బ్రతుకు తెరువు నీదైన సంక్షేమం

నీదైన ఆరోగ్యం నువు పొందే వికాసం

ప్రభుత్వాలకొకటే ప్రాధాన్యత

ప్రణాళికా బద్ధమైన సాధికారత

2.చప్పట్లు తప్పెట్లు జనతను జాగృత పరిచేట్లు

దివ్వెల దీపాల వెలుగులు జాగ్రత్తల నెరిగేటట్లు

ప్రకటనలు నియమాలు పెడచెవిపెట్టి

తేలికగా తీసుకునే నైజాన్ని తలపెట్టి

నిర్లక్ష్యం వహిస్తే చావైనా బ్రతుకైనా నీది

ఎవరికి వారయే తీరు నేటి సమాజానిది