తెల్లారుతోంది పొద్దుగ్రుంకుతోంది
కల్లలై పోసాగె నువ్వాడిన సుద్దులన్ని
ముద్దరాలా తగదిది నీకు పలికి బొంకడం
ఓ జవరాలా శోభించదు నీకు ఆడితప్పడం
1.నీ మాటను నమ్ముకొని ప్రతిపూట ఆశపడి
వేచిచూస్తున్నానే పిచ్చివాడిలాగా
నీ ఇబ్బందినేగని పెద్ద మనసు చేసుకొని
ఓపిక పడుతున్నా నీ హితుడిగా
మాయచేస్తున్నావో మనసుపడుతున్నావో మర్మమే ఇంకా
ఆడుకుంటున్నావో వేడుకుంటున్నావో దైవానికెరుక
2.అనుకోని అతిథిలాగ ఎదురైనావెందుకో
ఆలావచ్చి ఇలావెళితె సరిపోయేది
నా గుండెకి కొక్కెమేసి నీవైపుకి లాగివేసి
గుండుసూదితో గుచ్చేవు న్యాయమా ఇది
పైశాచికానందమా పడతి తత్వమా అగమ్యగోచరం
అనాదిగా మగజాతికి నాతీనీవల్ల తీరని అపచారం ఘోరం
No comments:
Post a Comment