రచన,స్వరకల్పన&గానం:డా.రాఖీ

మదిగీతం వినిపిస్తుంది నీ ఎదతో ఆలకిస్తే

నా ఆత్రం కనిపిస్తుంది నీ మనసుతొ అవలోకిస్తే

భావాలు తెలుపుటకెపుడూ భాషనే కురచాయే

హృదయాన్ని పరచాలంటే లోకమే ఇరుకాయే

1.కన్నులతో చేసిన సైగలు విఫలమాయేనే

వెన్నెలతో పంపిన కబురులు నిన్ను చేరవాయే

పిల్లగాలిసైతం ఉల్లము నెరిగించదాయే

మేఘాలతొ నా సందేశం నీకందదాయే

2.చిటికెవేసి చూపినగాని గుర్తించవాయే

పావురంతొ పంపిన పత్రం ప్రాప్తిలేకపాయే

హంస రాయబారమూ చేయగా భారమాయే

హింస దూరమౌతుందంటే బదులే లేదాయే