రచన,స్వరకల్పన&గానం:డా.రాఖీ

సుప్రభాత శుభవేళ నీదే తలపు

దర్పణాన నే చూడగ నీదే రూపు

నీ స్మరణయే నాకు పొద్దూ మాపు

నీ ఊహలే మదినూయలలూపు

1.తేనీరు సేవిస్తూ నీ భావనయే

జల్లుతానమందునా నీ స్ఫురణయే

తిన్నావో తినలేదో అన్నది  ఆరాటమే

కుశలమే తెలియకున్న కలవరమే

2. ఏ కవిత రాసినా నీవే వస్తువు 

ఏ గీతి పాడినా నీవే ప్రియ శ్రోతవు

నా ప్రతి కలలో నువుమాత్రమే కలవు

ఏడేడు జన్మలకు నీవే నా చెలియవు

2.నను జ్ఞప్తి చేయమని విజ్ఞప్తులు

నినుమించి ఎవ్వరూ నాకాప్తులు

నాకన్న ఆరాధించరే భక్తులు

నాలా నిను ప్రేమించరే వ్యక్తులు