రచన,స్వరకల్పన&గానం:డా.రాఖీ

కనుల ఎదుట నిలిచిన నా కలవే

ఇలకు దిగిన పున్నమి శశికళవే

ఇంద్రధనుసు వన్నెలన్ని పుణికి పుచ్చుకున్నావే

ఇంద్ర సభలొ అప్సరవైనా నన్ను వలచి వచ్చావే

1.నల్లకలువరేకులా నీ ముఖ సరోవరానా

అల్లాడు మీనాలౌనా నీ మోము తటాకానా

అల్లనేరేడులేమో నీ వదన ఫల వనానా

చారడేసి నయనాలకే కలం కలవరమొందేనా

2.కోడెత్రాచుగా తోచే నీ జడనే పొగడనా

శంఖంలా స్ఫురింపజేసే నీ మెడనే నుడువనా

కోటేరుతొ పోటీచేసే ముక్కుచక్కదనం మెచ్చనా

మందారంతొ పందెంవేసే అధరాల నుతించనా

3.కవితయందు తెలుపనైతి రాయనా కావ్యమే

గీతమందూ సరిపోదు లిఖించనా ప్రబంధమే

అంగాంగమందు నీది అంతులేని సౌందర్యం

అందంమంటె అర్థం నీవే నీదే కద ఆహార్యం