రచన,స్వరకల్పన&గానం:డా.రాఖీ
మిడిసిపాటెందుకు-మూణ్ణాళ్ళ చిందుకు
మూతిముడుచుడెందుకు-చిరునవ్వు విందుకు
కన్నుమూసి తెరిచేలోగా-పడుతుంది బ్రతుకు తెఱ
వినియోగ పరచాలి-అనుక్షణం ఏమరక
1.వెలివేయ బడతావు-గిరిగీసుకుంటుంటే
కనుమరుగై పోతావు-కలిసిసాగిపోకుంటే
ఆధారం తెగిన పతంగి-ఎగిరేను ఎంతటి దూరం
చుక్కానే లేని పడవ-చేరలేదు కోరిన తీరం
2.గర్వభంగం చేసేయి-నీ అహంభావానికి
అర్థాన్ని స్పష్టం చేయి- ఆత్మవిశ్వాసానికి
అహర్మణీ వెలుగీయదు-అహం మబ్బు కమ్మేస్తే
పరాజయం తప్పదు- సాధననే సడలిస్తే
No comments:
Post a Comment