రచన,స్వరకల్పన&గానం:డా.రాఖీ

జిల్లేడు మాలలివిగొ ఇంద్రియ జితుడా

సిందూర లేపనమిదె అంజనీ సుతుడా

వందనాలనందుకో వాయుపుత్రుడా

సేవలనే గైకొనుమా సుగ్రీవ మిత్రుడా

1.పంచామృతాలతో నిను అభిషేకింతు 

పంచన చేర్చుకో పంచముఖీ హనుమా

దండకముతొ నిన్ను మనసారా నుతింతు

అండదండగా యుండి మమ్ముకావుమా

2.ఏల్నాటి శని దోషము పరిహరించివేతువు

మండలకాలము నిను దండిగ కొలిచినంత

తీరిపోని ఆశలన్ని తప్పక నెరవేర్చెదవు

రామనామ జపమునే నిరతము చేసినంత