రచన,స్వరకల్పన&గానం:డా.రాఖీ

అమావాస్య నేడైనా వెన్నల కురిసింది నీ నవ్వుల వల్లె

మండువేసవే ఐనా చల్లగాలి వీచింది నీ సన్నిధి వల్లే

సీతకన్నువేసితివే ప్రియమైన చెలియా నాపై

ఎందుకలా మరచితివే ననుచూసి చూడని చూపై

1.తొలి సంధ్యనీవై నాలో పొడచూపావే

మలిసంధ్య పొద్దై మరులెన్నొ రేపావే

తెల్లారేలోగానే బంధమే తెల్లారిపోయే

బెట్టుగట్టుదిగకపోతివే తపనే చల్లారిపోయే

2.ఊహల సౌధాలనే నిర్మించుకున్నామే

ఊసులెన్నొ చెప్పుకుంటూ చర్చించుకున్నామే

పైచేయి నీదవడానికి పంతానికి పోయావే

కాళ్ళబేరమాడినగాని ననుకాదుపొమ్మన్నావే