రచన,స్వరకల్పన&గానం:డా.రాఖీ
మనసంతా కలకల
నా నయనాల వలవల
ఓ నా శశికళ.. ఏకైక నా కల
నీవేలే ఇల మోహన బాల
నువు కాదంటే నాకీ బ్రతుకేల
నువు వద్దంటే ఇకపై చితిజ్వాల
1.నోరూరేలా నీ పెదవుల అరుణిమ
సుధలే గ్రోలగ రసనే మధురిమ
నీవే పదహారు ప్రాయపు లేలేత లేమ
నినుముట్టుకున్నా తరిస్తుంది నా జన్మ
నువు కాదంటే నాకీ బ్రతుకేల
నువు వద్దంటే ఇకపై చితిజ్వాల
2.నుదుటిన జీరాడే ముంగురులు
చెంపలు ముద్దాడే చెవి వంకీలు
ఆటంక పరిచేను నా అన్ని చర్యలు
ఎలా నీకు చేయాలి ప్రియా నా సపర్యలు
నువు కాదంటే నాకీ బ్రతుకేల
నువు వద్దంటే ఇకపై చితిజ్వాల
No comments:
Post a Comment