పల్లెటూరి చిన్నదాన
పట్నం చదువుకు వచ్చినదాన
రెక్కలె రాని పక్షిలాగా
దారం తెగిన పతంగిలాగా
ఎందుకే ఎందుకే అంత తొందర
తప్పటడుగు వేసావో భవితే చిందరవందర
1.రంగురంగుల హంగులే పట్టిలాగుతాయి
ఫ్యాషన్ పేరిట వికృతాలు చుట్టుముడతాయి
కొత్తకొత్త వ్యసనాలన్నీ నిన్నే కోరి వరిస్తాయి
వింత వింత స్నేహాలన్నీ ఆప్తంగా కనిపిస్తాయి
ఎందుకే ఎందుకే అంత తొందర
తప్పటడుగు వేసావో భవితే చిందరవందర
2.పార్టీల్లో చేరకపోతే నిన్ను గేలి చేస్తారు
పబ్బులకు వెళ్ళకపోతే జాలిగా చూస్తారు
డేటింగ్ అన్నది చేయకపోతే అప్డేవలేదంటారు
మాదక ద్రవ్యాలకే బానిసగా మారుస్తారు
ఎందుకే ఎందుకే అంత తొందర
తప్పటడుగు వేసావో భవితే చిందరవందర
No comments:
Post a Comment