ఎలా కాచి ఉంచను నీ వదన కమలాన్ని
తుంటరి తుమ్మెదల దండునుండి
ఎలా ఏమార్చను నీ చరణ పల్లవాన్ని
గండుకోయిలల దాడినుండి
తెరవెనక ఉండక కలంలోకి చొరబడవే
కనులెదుట లేకున్నా కలల్లోకి త్వరపడవే
1.క్షీరసాగర మథనం మళ్ళీ మొదలౌతుంది
నీ అధరామృతం కోసం
శివ మనోచపలత్వం మరలా సాధ్యమౌతుంది
నీ నవమోహన రూపంకోసం
తెరవెనక ఉండక కలంలోకి చొరబడవే
కనులెదుట లేకున్నా కలల్లోకి త్వరపడవే
2.ప్రపంచాన్ని సాంతం త్యజించవచ్చు
నీ క్రీగంటి చూపుకు
విశ్వాన్ని సైతం జయించగావచ్చు
నీ అరనవ్వు కైపుకు
తెరవెనక ఉండక కలంలోకి చొరబడవే
కనులెదుట లేకున్నా కలల్లోకి త్వరపడవే
No comments:
Post a Comment