https://youtu.be/Lw1ZPdZtFLo?si=Qv43UYeqFNabi0Et

రచన,స్వరకల్పన&గానం:డా.గొల్లపెల్లి రాంకిషన్ రాఖీ

నమ్మేకద రాసాను సాయి నీపై వందల పాటలు
మమ్మేలెడి వాడవనే బాబా చేసాము నీకు పూజలు
వమ్ముచేయగా నీ మహిమలాయె ఒట్టి గాలి మాటలు
సొమ్మసిల్లెగా నా మది నీ బోధలవగ నీటిమూటలు
సాయిరాం సాయిరాం సాయిరాం సాయిరాం

1.సాయిరాం అంటూ సదా నీ నామమె పలుకుదునే
ఆర్తితో దీనంగా నిను చిత్రపటములందు కాంచెదనే
వెతికి వెతికిమరీ నీవున్న మందిరముకు చనుదునే
గురువారము ఉపవసించి నీ ధ్యానమె చేయుదునే
సాయిరాం సాయిరాం సాయిరాం సాయిరాం

2.మామూలు నరుడవో సద్గురుడవో అది మాకేల
మాయల మరాఠీవొ గారడి వాడివో చూపునీ లీల
ఆశలెన్నొ ఉన్నవి నీఎడ అవి  అడియాసలు కావాలా?
నెరవేరక మా కోర్కెలు కడదాకా నేనిలాగే చావాలా
సాయిరాం సాయిరాం సాయిరాం సాయిరాం