కదలవు మెదలవు-ఉలకవు పలకవు
పొగడినా పొంగవు-తెగడినా కృంగవు
ఎలా నీవు వశమయ్యేది-శ్రీహరి
ఏ మంత్రానికి లొంగేది తిరుపతి శ్రీపతి
1.గోవింద యనుచు నామాలు పఠించనా
కాలినడకతో నీ సప్తగిరుల నెక్కనా
తలబిరుసుని వదిలేసి నీలాలొసగనా
నీ కోనేటిలొ మునకలేసి పునీతమవనా
2.నీ మంగళ విగ్రహాన్ని దర్శించనా
పలు విధాల సేవలతో అర్చించనా
ముడుపులు కానుకలను సమర్పించనా
మనసావాచా కర్మణా నన్నే నివేదించనా
నీ పాదపద్మాల నా కవి తలనుంచనా
No comments:
Post a Comment