https://youtu.be/BqIbCKUmIJg
శివుడంటే మంగళకరుడు
హరుడంటే మనోహరుడు
అనాథనాథుడే విశ్వనాథుడు
అఖిలాండేశ్వరుడు భోళాశంకరుడు
ప్రణామాలు ప్రణామాలు ప్రణవస్వరూపునికి
సాష్టాంగ వందనాలు సదానంద రూపునికి
1.ఆది మధ్యాంత రహితుడు వేదవేద్యుడు
దక్షిణామూర్తిగా భవుడు పరమ పూజ్యుడు
అనాలంబి ఢమరుక వాద్య సంగీత లోలుడు
కుముదము పూరించే ఖట్వాంగధరుడు శర్వుడు
ప్రణామాలు ప్రణామాలు ప్రణవస్వరూపునికి
సాష్టాంగ వందనాలు సదానంద రూపునికి
2.సతికోసం హతాశుడైన అర్ధనారీశ్వరుడు
దక్షాధ్వరధ్వంసి ఉగ్రాక్షుడు రౌద్రవీరభద్రుడు
మదనారి జటధారి నిటలాక్షుడు నీలకంఠుడు
ఋతంబరుడు వృషపర్వుడు రామలింగేశ్వరుడు
ప్రణామాలు ప్రణామాలు ప్రణవస్వరూపునికి
సాష్టాంగ వందనాలు సదానంద రూపునికి
No comments:
Post a Comment