రచన,స్వరకల్పన&గానం:డా.రాఖీ

రాగం:మోహన

"యేన బద్ధో బలీ రాజా దానవేంద్రో మహాబలః 

తేన త్వామభి బద్నామి రక్ష మాచల మాచల"

అనురాగం విరిసే వేళ

అనుబంధం మురిసే వేళ

వచ్చింది నేడే రాఖీ పండగ

శ్రావణ పౌర్ణమి వెన్నెల్లు నిండగ

1.తోబుట్టువుల మమతల వారధి

సోదరి సోదర ప్రేమల నెలవిది

రక్షాబంధన పర్వదినమిది

సంతోషాలే కొలువు దీరినది

2.ఇందిర బలికి కట్టిన గురుతిది

ద్రౌపది కృష్ణుల ఆత్మీయ చిహ్నమిది

లాభ క్షేముల ఆకాంక్షమేరకు

సంతోషిమాత పుట్టిన దినమిది

3.గాయత్రి మాతను మది కొలిచేది

నూతన యజ్ఞోపవీత ధారణచేసేది

నిత్యకర్మానుష్ఠాన ఆజ్ఞను పొందేది

ప్రాయశ్చిత్త పంచగవ్యం సేవించే రోజిది