https://youtu.be/OCwR3e8b8vI
వేనోళ్ళ స్తుతించేను శేషుడు
నిరంతరం నుతించేను నారదుడు
వేదోక్త స్తోత్రాల సర్వదా గణుతింతురు సప్త మహా ఋషులు
వేల కీర్తనలతో కొనియాడిరి నిను త్యాగయ్యా అన్నమయలు
ఏరీతి మెప్పింతును ఏడుకొండలవాడా
ఉడతనైన బ్రోచితివి జాలిగుండె రేడా
1.మనసులోనె తలచేను ఇపుడో అపుడో
ఇంటిలొ పూజింతును వీలున్నపుడెపుడో
గుడిలోనిను దర్శింతును ఏ పండగ పబ్బానికో
తిరుమల కరయడము ఎన్నాళ్ళకొ ఎన్నేళ్ళకో
ఏరీతి మెప్పింతును ఏడుకొండలవాడా
ఉడతనైన బ్రోచితివి జాలిగుండె రేడా
2.నిర్మించలేను స్వామి నీ సుందర మందిరాలు
ఈయగలేను ప్రభూ ఏ ఘనమైన కానుకలు
చేయగలేను నేను విరివిగా దానాలు ధర్మాలు
మోయలేను గోవిందా నిస్సార సంసార భారాలు
ఏరీతి మెప్పింతును ఏడుకొండలవాడా
ఉడతనైన బ్రోచితివి జాలిగుండె రేడా
No comments:
Post a Comment