https://youtu.be/SPCCz7GsP8E?si=Ht0ydHO2lI4eZzNb

రచన,స్వరకల్పన&గానం:డా.గొల్లపెల్లి రాంకిషన్(రాఖీ

రాగం : కాపి 

నామ్ కే వాస్తేనా దోస్తానాలు

పేరుకు మాత్రమేన ఫ్రెండ్ షిప్పులు

కష్టంలో సుఖంలో  కలిసిరాని స్నేహాలు

మోదాన్నీ ఖేదాన్నీ పంచుకోని నేస్తాలు

ఎడారిలో ఎండమావులే అజాగళస్తనాలే

1.సూక్తులెన్నొ ఉంటాయి స్నేహితమంటే

సుద్దుల వరకే సాగుతుంది సోపతంటే

అరమరికలె లేనిది అలనాటి బాల్యమైత్రి

కల్మషాలనెరుగనిది చిన్ననాటి చెలిమి

2.ఆశించి చేసేది కాదెప్పుడు మిత్రుత్వం

హృదయమెరిగి మెలగుటయే ప్రియత్వం

గాయం నీదయీ బాధ నాదవడమే నెయ్యము

విజయం నాదయీ  సంబరం నీదైతే సఖ్యము

3.ఫేక్ లే చాలా మటుకు ఫేస్బుక్ స్నేహాలు

టైంపాస్ లే ఈనాటి వాట్సప్ దోస్తీలు

నీకొరకే నేనంటూ నిలిచేదే నిజ స్నేహం

స్నేహానికి నేనెపుడూ మనసారా దాసోహం