రచన,స్వరకల్పన&గానం:డా.రాఖీ
పింక్ చీర కట్టుకున్న పంకజాక్షి
వంకలేని జాబిలివే వనజాక్షి
శంకలే పెట్టుకోకు నా ప్రేమపై
నావంక జాలిగొని అందీయి నీచేయి
1.దబ్బపండు మేనిఛాయ- అబ్బో అనిపించెనే
మబ్బులంటి కురులేమో-మదిని దెబ్బకొట్టెనే
డబ్బుదస్కమెందుకే-పబ్బమంటి నీవుంటే
సుబ్బరంగజేరరావె-నిబ్బరంగ నన్నుంచగ
2.ఒక్కసారి నను తాకితే-ఓరుగల్లె వశమౌను
చిన్ననవ్వు నువు విసిరితే-చెప్పలేని హాయౌను
నీవున్న తావులో లోకమంత నాకమౌను
నీవే ఇక ఆనతిస్తే మన ఆత్మలు ఏకమౌను
No comments:
Post a Comment