రచన,స్వరకల్పన&గానం:డా.రాఖీ
రాగం:సింధు భైరవి
ఒక బొమ్మకు ప్రాణం పోసావు-ఒక అమ్మకు దైన్యం తీర్చావు
ఒక భక్తుడి నెత్తురు వైనావు-ఒక తండ్రికి అండగ నిలిచావు
సాయని పిలిచినంత ఓయని బదులిచ్చావే
బాబా అని వేడినంత ఇడుములు తొలగించావే
మా మీద కినుకేల-మామీద అలకేల
ఈ జన్మకి ఇంతేయని చింతలోనె మగ్గాల
1.నోరుతెరిచి ఏనాడు కోరింది లేదు నిన్ను
చేయిసాచి ఇది ఇమ్మని అడిగానా మున్ను
దర్శంచుకొన్నాము షిరిడీ పురమునందు
నిను నిలుపుకొన్నాము మా ఉరము నందు
మా మీద కినుకేల-మామీద అలకేల
ఈ జన్మకి ఇంతేయని చింతలోనె మగ్గాల
2.రాసాను ఎన్నెన్నో పాటలు నిను కీర్తిస్తూ
చేసాను భజనలెన్నొ నిను ప్రార్థిస్తూ
మోసాను గురువారం నీ పల్యంకికను
వేచాను నీ దయకై ఆర్తి మీర ఇంకనూ
మా మీద కినుకేల-మామీద అలకేల
ఈ జన్మకి ఇంతేయని చింతలోనె మగ్గాల
No comments:
Post a Comment