రచన,స్వరకల్పన&గానం:డా.రాఖీ
రాగం:చంద్రకౌఁస్
శ్రీ పదమును వదలను ఆపదమొక్కులవాడ
సంపదలను అడుగను వడ్డికాసుల వాడ
కోరను నిను ఇంకేదీ శ్రీహరి గోవిందా
ముక్తి ఒక్కటే ఆసక్తిర మురారీ ముకుందా
1.నీ కొండల తత్వమే కుండలినీ విద్య
సప్త శిఖరాలే సప్త చక్ర జాగృత శ్రీవిద్య
సుశుమ్నా నాడి పథమె సాధనామోద్య
త్వమేకమేవం స్వామీ సకల సృష్టి మిథ్య
2.ప్రణవ నాదమే విశ్వ మయమై
ప్రాణాయామమే యోగ నియమమై
సర్వేంద్రియాలలోని శక్తి వినిమయమై
సహస్రారపద్మాన నీ దర్శనమై నిరామయమై
No comments:
Post a Comment