రచన,స్వరకల్పన&గానం:డా.రాఖీ

దాటగలము సాగరాన్ని సైతం

కాలికేమాత్రం నీరు తాకనట్లుగా

గడపలేము సంసార జీవితం

కంటికామాత్రం కన్నీరు కారనట్లుగా

అక్షర సత్యమిది జోహారు ప్రవచించిన ఆ కవికి

అనుభవైక వేద్యమిది ప్రభవించిన నిజ రవికి

1.సర్దుకపోయినంత కాలం సరదా దాంపత్యం

గొడవలకొకటే మూలం సైచని ఆధిపత్యం

విడాకులను మాట వస్తే వేరైనట్టే ఇది సత్యం

చావలని ఊహకైన తోస్తే చచ్చినట్టే ఇక నిత్యం

అక్షర సత్యమిది జోహారు ఎన్నో కాపురాలకు

అనుభవైక వేద్యమిది అందరి హృదయాలకు

2.చిరుచిరు కలహాలు చిలుక అలకలు

ఒకటి రెండంటూ చిలవలు పలవలు

ఒక్కరు దాల్చే మౌనం ఇరువురి పాలిటి వరం

ఎదుటివారి విసుగుకు నీ నవ్వు ముసుగు అనివార్యం

అక్షర సత్యమిది జోహారు ఆచరణీయులకు

అనుభవైక వేద్యమిది  చిరస్మరణీయులకు