రచన,స్వరకల్పన&గానం:డా.రాఖీ
చదువు కొనలేక చదువుకొనలేక
బాల్యానికి అమూల్యమైన విద్య దక్కక
మురికి వాడల్లో దిక్కూ దెస తోచక
రేపటి నా పౌరుల ఆకటి కేక చీకటి రేక
1.చెత్తను ఏరుకొంటు తాలు విత్తనాలుగా
గారడి చేసుకొంటు కూడలి చిత్తరువులుగా
కప్పులు కడుగుకొంటు బాలకార్మికులుగా
పేపర్ పంచుకొంటు చిరు ఆర్జనపరులుగా
పాలు పంచుకొంటు చేదోడు వాదోడుగా
2.కార్పొరేటు స్కూళ్ళవైపు ఆశగా ఒక చూపు
ఆపసోపాలతో సగటు మనిషి నిట్టూర్పు
ఉట్టికైన ఎగరలేక స్వర్గానికెగిరి ఎగిరి అలుపు
విద్య వైద్యం ఉచితమైతేనే జాతికి సముచిత గెలుపు
ప్రభుతకు ప్రగతి ప్రాథమ్యమైతేనే సముచిత గెలుపు
No comments:
Post a Comment