https://youtu.be/aiSnBeiDC94?si=-FMTV8xxN5RH_3-q

 రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:ముల్తాన్

అడవి గాచిన వెన్నెల్లా నీ సోయగాలు
శిశిరాన మోడునై వేచాను నే యుగాలు 
ఎప్పటికి ఒకటయ్యేనో మనలో సగాలు 
నా గొంతు వంతాయే వేదనా రాగాలు

1.అందరాని హరివిల్లువు నీవు
అడియాసగు మృగతృష్ణవు నీవు
భ్రమలోన బ్రతికేను ఒక భ్రమరమై నేను
నిశిలోన మిగిలాను నే తిమిరమైనాను

2.చాతకానికి ఎపుడో తీరేను దాహం
చకోరికైనా దొరుకును జాబిలి స్నేహం
ఎన్నాళ్ళని సైచను ఎడతెగని నీ విరహం
జన్మలెన్ని ఎత్తినా తొలగదసలు నీపై మోహం