మనసును దోచిన హారికవే

నను వదలనీ నిహారికవే

నాకోసం వేచిచూచే అభిసారికవే

ప్రణయగంధం చిలకరించే పవన వీచికవే

1.తేనె కనులు కురిసేను వెన్నెల సోనలు

కెమ్మోవి వర్షించేను సిరి మల్లెల వానలు

ఇంద్రజాలమున్నది నీ క్రీగంటి చూపుల్లో

చంద్రహాసమన్నది నాతో రమ్మని మునిమాపుల్లో

2.ముక్కుపోగు చూడగానే ముద్దుగొలిపింది

చెవి జూకా ఊగుతూనే హద్దునింక చెరిపింది

సొట్టబుగ్గ అంతలోనే లొట్టలే వేయించింది

హరివింటి వంటి ఒంటివిరుపే మదిని తట్టి లేపింది