రచన,స్వరకల్పన&గానం:డా.రాఖీ
ఆచితూచి అందుకే మాటలాడ మన్నది
మాట ఇచ్చి ఎప్పుడూ తప్పకూడదన్నది
చేయగలిగితేనే ఏదైనా చెప్పాలి
ఒకసారి చెప్పామా తప్పక చేసి తీరాలి
మనమీద మనకైన లేకపోతె ఏమాత్రం అదుపు
మన మాట గడ్డిపోచకైనా తూగక తలవంపు
పోతే మాత్రమేమి మన ప్రాణం
తప్పకూడదెప్పటికీ చేస్తే వాగ్దానం
మదిలో ఎందుకు అపరాధ భావనం
ఆది నిష్టూరమే అత్యంత సుగుణం
వీథులపాలైనారు ఇచ్చిన మాటకొరకు
ఆలినైన అమ్మినారు ఆలాపమని నందులకు
రాజ్యాన్నీ వీడారు వారాడిన నుడుగు కొరకు
పోరినారు తనవారని ఎరిగినా అని చివరి వరకు
పోతే మాత్రమేమి మన ప్రాణం
తప్పకూడదెప్పటికీ చేస్తే వాగ్దానం
మదిలో ఎందుకు అపరాధ భావనం
ఆది నిష్టూరమే అత్యంత సుగుణం
వెసులుబాటు చూసుకొనే ఇవ్వాలి మాట
మన మాట నమ్మిన వారికి కలగాలా ఆరట
తప్పెడి మాటకై పదే పదే వాయిదాలొకటా
సాకులనే సాకుతూంటె ఎంతకూ ఒడవదట
పోతే మాత్రమేమి మన ప్రాణం
తప్పకూడదెప్పటికీ చేస్తే వాగ్దానం
మదిలో ఎందుకు అపరాధ భావనం
ఆది నిష్టూరమే అత్యంత సుగుణం
ఆచితూచి అందుకే మాటలాడ మన్నది
మాట ఇచ్చి ఎప్పుడూ తప్పకూడదన్నది
చేయగలిగితేనే ఏదైనా చెప్పాలి
ఒకసారి చెప్పామా తప్పక చేసి తీరాలి
మనమీద మనకైన లేకపోతె ఏమాత్రం అదుపు
మన మాట గడ్డిపోచకైనా తూగక తలవంపు
పోతే మాత్రమేమి మన ప్రాణం
తప్పకూడదెప్పటికీ చేస్తే వాగ్దానం
మదిలో ఎందుకు అపరాధ భావనం
ఆది నిష్టూరమే అత్యంత సుగుణం
No comments:
Post a Comment