రచన,స్వరకల్పన&గానం:డా.రాఖీ
పట్టరాని సంతోషం పసిడి గాజులకు
పట్టుకుంది అదృష్టం మట్టి గాజులకు
ఏ పుణ్య ఫలమో చెలీ నీ పాణిగ్రహణం
ధన్యమైంది గాజు జీవనం నీచేయి చేరిన మరుక్షణం
1.మంజుల స్వని చేస్తాయి నీకదలికల కచ్ఛేరికి
అందంగా మ్రోగుతాయి పదపడు నీ చిందులాటకు
మంత్రముగ్ధులౌతాయి నీ మృదువైన కరస్పర్శకు
తెగనొచ్చుకుంటాయి పడకన సడిచేసినందుకు
2.మెరుపులరువు గొంటాయి నీమేని చక్కదనానికి
ఆవురావురంటాయి పోటీగా నీ చేతినెక్కడానికి
ఏ రంగు కోకోయని బెంగపడతాయి తమరంగు వంతుకై
గుండెప్పుడు పగులునోయని గుబులే తమ బ్రతుకై
No comments:
Post a Comment