రచన,స్వరకల్పన&గానం:డా.రాఖీ

*అతను*:పలకరింపులు కరువైతే

 అలకరింపులు మొదలౌతాయి

పులకరింపులకోసం

 ప్రేమ చిలకరింపులు కోరుతాయి

 

*ఆమె*:మనసు తెలుసుకోకుంటే

మగువ బయటపడుతుందా

వద్దు పొమ్మని అనలేదంటే

వలపంతా నీకై వంపినట్టేగా

*అతను*: ఔనా నచ్చానా మనసిచ్చానా

 నీగుండె లోకి సైతం నేసొచ్చానా

*ఆమె*: ఇంకా విడమరచి చెప్పాలా

ఆమాత్రం నన్నర్థం చేసుకోవేలా

1.*అతను*:ముక్కుసూటి వ్యవహారం

 గుంభనాలకు పురుషులు దూరం 

ప్రతిదానికి ఒకటే ఆత్రం అదేకదా సృష్టి విచిత్రం

*ఆమె*:మీటాలి ఏవో మీటలు

మొదలౌను లోలో కదలికలు

కిటుకు తెలుసుకుంటెనే మధురమౌ కలయికలు

2.*అతను*:మురిపాలు కోరడానికి

బ్రతుకంతా చింతగా ఆగాలా

సర్వాన్ని ధారపోసినా ఇంకా అనుమానాలా

*ఆమె*:ఊరింపులొ ఉడుకుతుంది

పరస్పరం మన ప్రణయభావన

విరహమెపుడు వేస్తుంది స్వర్గానికి నిచ్చెన