రచన,స్వరకల్పన&గానం:డా.రాఖీ
బ్రతుకు నీది భవిత నీది
ఆశ నీది శ్వాస నీది
ఆశయాల పాట నీది
ఒడిదుకుల బాట నీది
గమనం అప్రతిహతంగా
గమ్యం అనితర సాధ్యంగా
1.ఒకడిగా విస్ఫోటమై సమాజంగ మారడం
సమాజపు జాడనొదిలి నీ లోలోకి చేరడం
ఒంటరిగా …మౌనంగా…దైన్యంగా… శూన్యంగా
అవమానం… సన్మానం… సమంగా…ఆనందంగా
గమనం విలాసంగా గమ్యం కైలాసమే విలాసంగా
2.ఆటంకాలు సంకటాలు సంకల్పానికి కంటకాలు
ఆవేశాలు విద్వేషాలు ఉద్దేశ్యాలకు విఘాతాలు
కప్పదాటుగా వెన్నపోటుగా చాటుమాటుగా వేటువేయగా
సహనంగా… సాధనగా…సులభంగా… సుసాధ్యమవగా
గమనం వినోదంగా గమ్యం ప్రతిపదం పరమపదంగా
No comments:
Post a Comment